වැඩිය දැගලුවොත් ඇමති පට්ටමත් නෑ – ජනපති

රාජ්‍ය අමාත්‍ය සනත් නිශාන්තට ජනාධිපති ගෝඨාභය රාජපක්ෂ මහතාගේ පාර්ශවයෙන් දැඩි ලෙස දොස් පවරා ඇති බව දැනගන්නට ලැබේ. රාජ්‍ය සේවකයින්ට ඔවුන්ගේ වැඩ කටයුතු නිසි පරිදි සිදු කරන්නට ඉඩදී, තමාට අදාළ කටයුතු සිදුකරන සිටින ලෙස ජනාධිපතිවරයාගේ පාර්ශවය දැඩි ලෙස පවසා ඇති බව වාර්තාවේ.

එමෙන්ම අදාළ රාජ්‍ය නිළධාරිණියට මින් පසුව බලපෑම් සිදු කළහොත් රාජ්‍ය අමාත්‍ය ධූරය පවා අහිමි වන තැනට වැඩ සිද්ද විය හැකි බව දැඩි ලෙස පවසා ඇති බව වාර්තා වේ. රාජ්‍ය සේවය වඩාත් කාර්යක්ෂම ස්වාධීන ආයතන බවට පත්කිරීමට තමා ගන්නා උත්සහය අතරතුර මෙවැනි සිදුවීම් නොවිය යුතු බව ජනාධිපතිවරයාගේ දැඩි ස්ථාවරය වී ඇතැයි දැනැගන්නට ලැබේ.

මේ අතර සනත් නිශාන්ත රාජ්‍ය අමාත්‍යවරයා, ඔහුගේ ෆේස්බුක් ක්‍රියාකාරීන් ලවා ඔහුට විරුද්ධව ෆේස්බුක් සමාජ ජාලයේ හුවමාරු වන පොස්ට් ඉවත් කරගන්නා ලෙස අනෙකුත් ෆේස්බුක් පිටු ඇඩ්මින්වරු ඉදිරියේ බැගෑපත් වන බවද අප වෙත තොරතුරු වාර්තා වේ. එමෙන්ම මෙම සිද්ධිය යටපත් කිරීමට සුනිල් හඳුන්හෙත්ති මන්ත්‍රීවරයා ගැන මෙන්ම, පියුමි හංසමාලි එජාපයෙන් පාර්ලිමෙන්තුවට ඉදිරිපත් වනවා යැයි ව්‍යාජ ප්‍රවෘත්තියක් ප්‍රචාරය කරන ලෙසට සනත් නිශාන්ත ඔහුගේ ෆේස්බුක් ගෝල බාලයින්ට පවසා ඇතැයි දැනගන්නට ලැබේ.

මීට අමතරව අදාළ රාජ්‍ය නිළධාරිණයගේ ප්‍රතිරූපය බිඳ දැමීමට ව්‍යාජ පුවත් නිර්මාණය කිරීම සඳහා වෙබ් කරුවන් කිහිප දෙනෙකු මිලට ගෙන ඇතැයිද විශ්වාස කටයුතු ආරංචි මාර්ග සඳහන් කරයි.

ට්‍රේන්ඩින්ලංකා

2,163 total views, 1 views today