ශ‍්‍රී ලංකා විද්‍යාඥයන් පිළිකාවට බෙහෙතක් සොයා ගනියි – ඇමරිකාවේ පේටන්ට් බලපත්‍රයත් හිමි වෙයි

අපේ රටේ පර්යේෂකයින් පිරිසක් පිළිකාව සඳහා සාධනීය විසඳුමක් ඉදිරිපත් කර ඇත.

කොළඹ විශ්ව විද්‍යාලයේ විද්‍යා පීඨයේ සහ වෛද්‍ය පීඨයේ පර්යේෂණ කණ්ඩායමක් පිළිකා රෝගය සඳහා ඖෂධයක් සොයාගැනීම ආරම්භ කරන්නේ 2012 වසරේදීය.

ඒ සඳහා ඔවුන් භාවිත කරන්නේ, වියළි කලාපයේ හටගන්නා ෆුල්විෆෝර්ම් ෆස්ටුඕසස් නමින් හඳුන්වන ඉතා දුර්ලභ හතු විශේෂයකි.

වසර 3ක් තිස්සේ පර්යේෂණයේ නිරත ඔවුන්ට 2015දී එහි ප්‍රතිපළ අත්විඳීමට හැකි වෙයි.

ඒ ප්‍රතිපිළිකා කාරක සංයෝගයක් සොයාගනිමින්ය.

ඉන් නොනැවතුණු එම කණ්ඩායම තම පර්යේෂනයට අදාළව පේටන්ට් බලපත්‍ර ලබාගැනීමට සමත්වෙයි.

ඒ, අදාළ ප්‍රතිපිළිකා සංයෝගයේ ප්‍රති පිළිකා ගුණයට සහ නිස්සාරණ ක්‍රියාවලිය සඳහාය.

පර්යේෂණ කණ්ඩායම සොයා ගන්නා ලද මෙම නව සංයෝගයෙන් මිනිස් ශරීරයේ සෙසු කොටස් විනාශ වීමක් වන්නේද?

අද දෙරණ මේ සම්බන්ධව ජාතික බුද්ධිමය දේපල කාර්යාලයෙන් විමසීමක් ද කළේය.

ලෝක ජනගහණයෙන් මිලියන 22 ක් වාර්ෂිකව පිළිකා රෝගයට ගොදුරු වෙයි. ඊට වාර්ෂිකව එක්වන ලාංකිකයින් ගණන 25000කි.

ජාතික පිළිකා මර්දන වැඩසටහනට අනුව ඉන් වාර්ෂිකව මියයන පිරිස 14000කි.

-adaderana

මෙය ඔබේ මිතුරන්ට බලන්න Share කරන්න

2,864 total views, 2 views today